GRÀCIA, ROGER DE
Dempús de visitar fòrça territòris de lengua catalana, Roger de Gràcia e tota era equipa deth programa Caçadors de paraules que se'n van tara Val d'Aran ara arrecèra der occitan. Pendent un viatge per tota era geografia aranesa que descobrissen es secrets d'ua lengua e d'un país: es mots, es expressions e es manères de prononciar, més tanben era istòria, eth paisatge e era realitat sociau d'Aran. Roger de Gràcia que visite endrets plan coneguts deth país, coma era escòla d'Arties, eth Palai de Gèu de Vielha, era sedença deth Conselh Generau o ben es carrèrs de Bausen o de Mèles, a on se parle tanben eth dialècte gascon dera lengua occitana. Ací qu'auetz tot eth materiau lingüistic qu'eth programa Caçadors de paraules arremassèc ena Val d'Aran, mès tanben fòrça informacions inedites que vos ajudaràn a conéisher milhor er aranés e eth rèste dera lengua occitana, de Bordèu a Niça e de Lemòtges a Casau. S'auetz seguit a Roger d'auti còps, aguest libe que va a èster entà vosati ua experiéncia plan passionanta. Caçadors de paraules que ven aguest viatge Caçaires de paraules, ua edicion especiau sus er aranés e en aranés.
